TOCANTE
FUNDACION CORESA

Click here for ENGLISH

DIRECTIVA.

Dr. Chris Franca

Presidente

Gastroenterologo

Dr. Justin
Smit

Secretario

Ciruhano

Dr. Marcel
Ho-Kang-You

Tesorero

Dokter di Cas

DI AMIGO
PA COLEGA
PA VISIONARIO.

Dr. Franca, Dr. Smit y Dr. Ho-Kang-You a conoce otro pa prome biaha ora nan tabata studiante di Colegio Arubano, unda cu nan a forma un amistad. Despues di a gradua for di VWO, nan tur 3 a tuma un direccion medico. Dr. Franca a bira gastroenterologo (dokter di stoma, tripa y higra); Dr. Smit a bira ciruhano; y Dr. Ho-Kang-You a bira dokter di cas.

Despues di un tempo cu nan a bin bek Aruba pa practica medicina, Dr. Franca, como specialista di tripa, a descubri cu e casonan di cancer di tripa na Aruba tabata increibelmente halto, y a subi drasticamente den e ultimo 10 añanan. No solamente e cantidad di casonan a aumenta, pero tambe e edad averahe di e personanan cu cancer di tripa tabata mas jong cu normal. Ta pa e motibo aki, Dr. Franca a dicidi di hala e atencion di su amigonan di antes cu tambe a bira dokter, pa asina nan por traha hunto y tuma accion contra cancer di tripa na Aruba.

E circunstancia tabata perfecto; pasobra ta un dokter di cas ta evalua bo sintomanan y verifica si un screening ta necesario, un gastroenterologo ta eherce un colonoscopia, y den e caso cu di berdad e persona tin cancer di tripa, un ciruhano lo haci un operacion cu e intento di elimina e cancer. Es decir cu tabata un coincidencia sumamente grandi cu e 3 amigonan di Colegio Arubano a tuma e direccionnan exacto cu ta haci nan e personanan adecua pa a lanza Fundacion CORESA.

BRINGANDO PA REDUCCION.

Cancer di tripa ta un di e cancernan mas prevenibel cu tin si bo logra gar'e na tempo. Sabiendo esaki, e ta lamentabel pa mira cu e ta un di cancernan mas comun riba nos isla.

Fundacion CORESA tin e meta di reduci e casonan di cancer di tripa na Aruba door di lanza varios iniciativa. E iniciativanan aki lo tin diferente obhetivo, manera:

Motiva tur hende den nos comunidad pa haci un screening for di e momento cu nan haci 45 aña di edad. E iniciativa di screening cu e programa lo cuminsa dentro di 1-2 anja.
Conscientisa nos pueblo pa por reconoce sintomanan potencial di cancer di tripa y enfoca riba e importancia di bishita bo dokter di cas, apesar di bo edad.
Haci e proceso di screening mas facil.
Recauda fondo pa por inverti den un machine di screening mas adecua pa detecta cancer di tripa.
Aumenta e cantidad di screenings cu ta wordo haci tur aña drasticamente, cual lo tin un impacto positivo riba e cantidad di cancer 'potencial' cu ta wordo detecta mas trempan y elimina. Haciendo esaki, nos por dramaticamente reduci casonan di cancer di tripa na Aruba.