top of page
1.png

TOCANTE CANCER
DI TRIPA

Coresa Logo - Colon only with shadows (1).png

Click here for ENGLISH

KICO E TA?

E tripa ta forma parti di bo dikke darm, cual ta parti di bo sistema digestivo. Cancer di tripa, tambe conoci como cancer di colon, cancer colorectal, of cancer di rectum, ta un enfermedad cu ta causa e celnan den bo colon of rectum pa crece na un manera incontrolabel.

​

Despues di a haci un estudio tocante cancer di tripa na Aruba, a bin na cla cu cancer di tripa ta un di e tiponan di cancer mas comun riba nos isla. Den e ultimo decado, e casonan a aumenta drasticamente y nos ta mira cada bes casonan nobo di pashent mas jong. A wordo descubri cu e percentahe di casonan na Aruba en relacion cu nos populacion ta hopi halto ora nos compara nos mes cu mayoria otro pais.

AMI MESTER TEST?

CORESA - Chart Mindmap (1).png

FACTORNAN DI RIESGO.

  • Bo riesgo di cancer di tripa ta aumenta cu edad.​

  • Enfermedad inflamatorio intestinal, manera e enfermedad di Crohn's of colitis ulceroso.

  • Un historia den famia di cancer di tripa of polipo colorectal.

  • Un sindroma genetico manera poliposis adenomatosa familiar (FAP) of cancer di tripa hereditario sin poliposis (sindroma di Lynch).

FACTORNAN DI ESTILO DI BIDA CU POR CONTRIBUI NA E RIESGO DI CANCER DI TRIPA:

  • Falta di actividad fisico regular.

  • Un dieet cu poco fruta y berdura.

  • Un dieet cu poco fibra y hopi vet, of un dieet cu ta inclui hopi carni procesa.

  • Sobrepeso of obesidad.

  • Consumpcion di alcohol.

  • Uzo di tobaco.

SINTOMA.

  • Un cambio persistente den bo custumbernan di bay af, incluyendo diarea, bariga sera ('constipation'), of un cambio den e consistencia di bo af.

  • Sangramento rectal of sanger den bo af.

  • Incomodidadnan abdominal persistente manera calamber, gas of dolor.

  • E sensacion ora a caba di bay af cu e af no a sali completamente.

  • Debilidad of cansancio.

  • Bahamento di peso inespera.

NOS TA RECOMENDA TUR PERSONA RIBA 45 AÑA PA HACI UN TEST.

E 4 GRADONAN DI CANCER DI TRIPA.

1

E tumor a extende for di e capa interna pero ta permanece den e colon.

Colorectal Cancer Stages - Cosera (1).png
2

E cancer a crece pafo di e colon pero no a extende pa e 'lymph nodes'.

3

E cancer a crece pafo di e colon y a extende pa e 'lymph nodes'.

4

E cancer a extende pa otro partinan di bo curpa.

UN DETECCION TREMPAN POR PREVENI E GRADONAN AKI Y SALBA BO BIDA.

SI BO TIN MAS CU 45 AÑA, HACI UN TEST HASTA SI BO NO TIN SINTOMA. SI BO TIN SINTOMA NA CUALKIER EDAD, PAPIA CU BO HUISDOKTER PA EVALUA SI BO MESTER HACI UN TEST.

E PROCEDURA DI DIAGNOSTICO.

A resulta cu bo mester haci un screening, kico ta e siguiente pasonan?

  1. Haci un poeptest pa evalua e situacion den bo tripa.

  2. Si e poeptest ta indica cu bo tin un malesa den bo tripa cu por ta un comienso di cancer di tripa, bo lo mester haci un colonoscopia pa samina bo tripa.

  3. Si tin lesion cu por bira cancer, e dokter por elimina esaki den un fase hopi trempan. Si e colonoscopia ta mustra cu tin cancer, mester bay cerca un ciruhano pa haci operacion unda cu un parti di e tripa lo wordo kita.

bottom of page